# 126 அம்சங்கள் (கசல் வடிவப் பாடல்)
என் விழி அரங்கத்தில் உன் பருவக் கலை இனிது
உன் விழிச் சுரங்கம் மேல் மென்புருவ வளை இனிது

யதார்த்த நகைச்சுவையை ரசித்திடும் வகையே சுகம்
ஏகாந்த வேளையில் வெளிப்படும் நகையே சுகம்

உன்னோடு கைகோர்த்து உரையாடப் பேச்சும் இசை
துயிலிலும் எனையுணர்ந்து அரவணைக்கும் மூச்சும் இசை

நடுநிசியில் நிலவொளியில் மணிக்கழுத்தின் அசைவு சொர்கம்
மறுக்கின்ற வார்த்தைக்குள் மறைகின்ற இசைவு சொர்கம்

ஏதாவது வேண்டுமென்றால் அடிபோடும் விதம் ஆகா
இதென்ன கவலையென்று சுமையோட்டும் பதம் ஆகா

- posted by Udhaya @ 10:21 PM