உதயாவின் மேய்ச்சல் நிலம்©
Wednesday, April 21, 2004
# 62 மண்ணுக்கு வேர் உறவு
மண்ணுக்கு வேர் உறவு
முகிலுக்கு நீர் உறவு
மலருக்கு வண்டுறவு
மனதுக்கு நீ உறவு
(மண்ணுக்கு...
புல் மீது பனி உறவு
படகுக்கு கடலுறவு
வானோடு மதி உறவு
வாழ்வோடு விதி உறவு
காதலுக்குக் கண் உறவு
கவிதைக்குப் பெண் உறவு
சிலையோடு உளி உறவு
சிதை மீது தீ உறவு
(மண்ணுக்கு...
நாணலிடம் நதி கொள்ளும்
நிலைமாற்றம் ஓர் உறவு
நாணத்துடன் ஆசையிடும்
போர்தானே ஊடுறவு
மலை மீது மூடுபனி
தலைகோதல் ஓர் உறவு
மடியாததொன்றென்றும்
மணமான நம் உறவு
(மண்ணுக்கு...
